Jerita Aki Tuai Kuling Agai Batang Mandai

Pejalai aki tuai Kuling Agai Batang Mandai..tahun 1980..version 9..

Lebuh udah betapa ba Gua Kub Kedaup ti dah mati bedaup ba tengan ai Batang Mandai,diak aki tuai Kuling alu duduk entap alu bersampi nyeru baka neru baka burung empitu berintu,pejam ke mata bangat senaya menua ba atas awan.Lebuh betapa aki tuai Kuling terkenyit ninga inek tuai ngangau ke ia alu  ngasuh bediri alu ngasuh bejalai nuju gai inek tuai nya tadi.Atai aki tuai Kuling semak gik tak ngapo aki tuai Kuling meda pemajik indu nya tadi ti dpeda ari jauh baka inek orang,tak damping nemu nya indu dara bangat ngasuh rindang.Alu bejako indu dara nya tadi ngasuh ia muka gari ba tubuh ia,udah muka gari ba tubuh diri diak aki tuai Kuling alu di unsut ia ngena tanah ladoo ti biru.Alu aki tuai Kuling naka ulih lebuh ngetan ati gidan laban dunsut indu nya ba genap tubuh ia temasuk belah selangkang pah ia.Indu nya tak senyum ja,tang aki tuai agi ingat pesan Bundan anang sesekali alah laban penguji laban ko Bundan suba bisi orang buya enggau indu pengangau to ngujung maioh sida ti ka betapa nya parai laban ia.Ia sigi menggoda petapa sebedau ia meri pemendar masuk agai gua Kup Kedaup ti mati.Pengudah indu nya ngunsut ia diak aki tuai Kuling alu di bai indu nya gali tang aki tuai madah enggai laban ia enggai rindang ko ia madah ke indu nya.Diberi indu nya ai tuak ga aki tuai Kuling tang aki tuai nolak ngau manah madah ia enggai alu ia nego aja ai tuak ba gayung buluh ti dberi indu nya gai ia.

Meda utai ka diberi ia ditolak aki tuai Kuling enggau manah diak indu to meri ia pucau muka pintu Gua,sirih pinang,duku sebilah,lungga sebilah,batu api,keruin,pedinding bulu,berau 9 leka aja.Diak indu to bejako madah ke aki tuai Kuling pengambis berau to ia ambis beguro enggau tuai Iban ti dulu atai ba Kalimanatan to munya kelia.Alu ia mekat agai aki tuai Kuling anang enda bejaga lebuh tama gua laban aki tuai Kuling rembus ba menua sitek ti aki tuai enda kala tujah ari bratus ratus ti udah.Ia mekat aki tuai Kuling,ia sigi diberi penguji ti ia enda sadang enda muntang bulih penemu ari tuai kitai Iban ti dulu dulu datai ba menua to.Agi bisi gua to kaban tang maioh orang enda nemu meda ia gua to laban mina orang bisi penemu ja ulih muka to,jerita gua to kala ditusi Lemambang ti nimang ke kami suba tak sebaka aja jerita ia ba pasal gua to ari jerita aki tuai Kuling.Penama Lemambang ti enda salah ingat ku Kendawang peturun iban ari sapiak nyin.Ia nusi gua to tusah ditemu laban ti nuan amai amai ka betapa enggau ati beamai baru indu Bantang Ngerajang(maioh penama indu to) to pansut alu madah baka enggi Aki tuai Kuling tadi.

Pulai agai pun tadi diak aki tuai Kuling to alu bejalai pengudah indu bajik ti tau nunang to lenyau ayas dipeda ba depan mata ia empu.Ba kenang aki tuai Kuling ia mesti beyapa kin kia laban ia ka ngetan tubuh ia ari bau lang(hanyir)..Ti lang bau sida ia bulih penusah ulih nyadi antu jai ti munuh mensia laban sida aus ka darah mensia.To meh kabuah ia nglamato betapa.Pengudah atai ba bukit tadi diak aki tuai Kuling alu maca leka pucau diberi indu nya tadi,tak ambis maca nya tak dipeda ba depan mata Gua Batu Kub Kedaub tak tinggi tak baka paras dinding tak kebelik becurak burak.Alu sapiak gua nya dinding ia tak becurak celum tak berlenying ari pun ngujung katas.Nyadi gua to dua itek.Diak aki tuai Kuling alu milih tama agai gua ti berdinding burak.

Seretai ia tama ke dalam gua kira tujuh singkang diak alu ngenyap tak bebali dalam gua baka sitek menua ti cukup manah amai rampa dunya.Tak berkedinjing batu batu besai baka nongkat langit.Malik ia kebaruh tak nyeraoh aki tuai Kuling nemu ia tak berdiri ba atas batu ti tinggi ari tanah.Meda utai ngeyelai nya diak aki tuai Kuling alu engkecit  ke baruh ari atas batu nya,seretai ia terengkah ba baruh ia alu di sambar ular tedung ti besai,seretai ia disambar diak aki tuai alu matak duku diberi indu nya tadi,alu dpungga ia tubuh ular tedung nya tadi,mimit enda meh rusik tubuh ular tedung nya tadi.Alu reraoh aki tuai Kuling berekak enggau ular tedung nya tadi ti ngujung aki tuai Kuling nemu ni abi penulah ular nya ba pala ia,nama agi deh alu dibatak aki tuai Kuling sitik buluh diberi indu nya tadi ia nya,seretai nya alu malok pala ular nya tadi,meda ular nya tak kenjar kenjar ka parai laban alah ari aki Kuling diak pansut apai tuai siko ti bebuk berundai enda ngasuh aki tuai Kuling betempuh enggauu ular nya laban ia nya ti nyaga menua to ko ia.

Diak aki tuai alu meri basa,ai aki tuai Kuling alu dibai ia duduk ba atas batu ti tnggi amai...Nyau puas belaban penemu diak aki tuai Kuling to alu alah,meda aki tuai Kuling nya  alah diak apai tuai nya meri ia pucau engau penemu kebukai...Udah seduai berandau diak apai tuai nya meri iaa selukai alu meri perengka ke bukai.Diak apai tuai nya tadi alu madah jalai nuju palan kebukai ti ukai nitih rintih jalai,Lebuh aki tuai Kuling ka nuju endur baka dipadah ia tadi diak apai tuai to madah enda ngasuh ia rindang ba rantau jalai.Apai tuai nya meri ia leka pucau bepuluh itik alu udah makai asi dkempuk apai tuai nya tadi diak untak aki tuai Kuling nyau ingat magang leka sampi nya tadi..Udah belajar alu ingat leka sampi nya tadi diak aki tuai Kuking nuju batu ti dipadah apai tuai nya Tak ngenyit apai tuai nya alu lesap enda dpeda agi...

To be continue..jerita kenang aki tuai Kuling..