Gambar to di ambi kena tahun 1940 sebedau pendatai Jepun nyerang menua kitai Negara Sarawak kena taun 1941.Maia to Rajah Brooke enggau Eropah mina tolong Raja Brunei tang sida suntuk ari alu sida ngelalai kediri belah Marudi,nyadi bisi mega bala Eropah kebukai lari ke Ulu Sg.Kemena lebuh pendatai Jepun nyerang ari Miri agai Bintulu ari Bintulu agai Sibu.Datai ba Sibu sida bertacah enggau bala Iban ba Bintangor enggau ba Durin sereta bala iban ari Pasai,Sibu.Maia to Jepun begaga ke Kem Jepun ba senentang kem Sg.Merah alu ba Terminal Bus Station lama Sibu suba sereta kem pengawal ba tebing ai Batang Rajang.
Lebuh Jepun ka nyemerai seberai bala dayak ari Bintangor ari seberai nyin majak nikau ke sangkoh sereta nyumpit bala Jepun tang maia nya sida ke diau ba Kampung Nangka bisi agai bala dayak ba Bintangor ti minta kasih ke sida ia awak ngelepas ke Jepun tadi ti ka nyemerai ka napat ke pasar Sarikei,tang sida dayak kabukai maioh enggai laban sida ringat ati meda Jepun dulu mungkal mumpong pala dayak.Meda sida enggai diak Jepun nyerang ngena bom tang sigi nadai meh bom meletup.Meda utai nyelai diak bala Jepun ngetu dulu tang enda mukai mukai benung bala dayak ngetu lelak diak sida Jepun ngili Batang Rajang alu ari Lasa sida ia nuju Sarikei.Pengudahnya bala dayak alu pindah enggai belaya enggau Jepun agi alu bisi keduak ia pindah ke Durin enggau Julau alu bisi ke Pasai.
No comments:
Post a Comment