Reti Penti Pemali Ke Suba enggau Kediato.

Penti Pemali Kitai Iban Menya alu di banding reti ba rebak Orang Ke baru kediato..

1)Mutung kukut maia lemai ari.
KO ORANG TUAI.
Negi pengidup kitai sial enda bulih utai.
KO ORANG BIAK KEDIATO.
Eshhh..bula nya.Kebatang amai takut teputung jari diri empu.

2)Anang Ngensung Lemai.
KO ORANG TUAI.
Nya ngumbai antu indu koklor atai.
KO ORANG BIAK KEDIATO.
Kiruh utai nya.Ni bisi antu agi ba dunya moden to.Percaya udu agai utau tahyul kenya.

3)Anang main utai tajam maia lemai ari.
KO ORANG TUAI.
Negi enti nyau telih,darah enda nemu bado.
KO ORANG BIAK KEDIATO.
Cehhh...Ka bula bula.Ni meh bisi kenya.Ukai nadai klinik ti maia telih.

4)Anang bergendang ke sampau(periuk) enggau pingai.
KO ORANG TUAI.
Negi antu rapal datai kitai nyau rapal belama enda entu nyamai tindok.
KO ORANG BIAK KEDIATO.
Naka pemula.Dini meh bisi  utai kenya.Pengawa to kreatif ba muzik nemu.

5)Kitak anembiak Anang main belalai maia lemai ari.
KO ORANG TUAI.
Negi kitak nadai temu nda ulih giga laban udah dilalai antu kamba.
KO ORANG BIAK KEDIATO.
Ni bisi kenya,kebatang amai sida ngasuh kitai tumu tindok.

6)Anang merakak orang ti benung gali maia bejalai.
KO ORANG TUAI.
Mali bakanya laban pengawa ngelangkah kenya mina dikena maia orang parai aja.Negi nyau rial semengat ia laban dik bakanya.
KO ORANG BIAK KEDIATO.
Eshhh..Ukai kami nemu.Ti enda merakak ia nya tanda bebasa.

7)Anang ngau ngangkat ke perau nurun ke pemendai maia bini ngandung.
KO ORANG TUAI.
Negi bini kitai bebadi lesi lebuh ia beranak laban perau nya tadi ngalah ke ayu ia.
KO ORANG BIAK KEDIATO.
Pia ya aya.Enda meh aku nemu enti kitak enda madah.

8)Mali nyerurik jala maia ari nyau silau salah kelala dipeda.
KO ORANG TUAI.
Takut kitai jampat rabun mata.
KO ORANG BIAK KEDIATO.
Bula nya.Diato bisi enjin api alu pasang aja dahnya alu serurik baru jalanya.Nasib aku enda nemu nyerurik(ngerepair jala ti carik) jala nya.

9)Enti makai anang gali enggau udah makai.
KO ORANG TUAI.
Ngai antu buruk ingap ba tubuh kitai ngujung kitai ngelusu gawa ngereja pengawa.
KO ORANG BIAK KEDIATO.
Cehhh..Ni bisi kenya.Kebatang amai enggai asi nya nyaya(tumpah) sereta  alu ka ngasuh kitai gawa dah makai.

10)Kitak ke indu ngau ke lelaki ti dah besai-anang gejuh gejuh ngunjur ke kaki maia makai.
KO ORANG TUAI
Negi kitak minta sangkong belama lebuh ngereja pengawa laki bini ba negi ruang bilik diri empu.Siko rajin siko buruk nyau minta sangkong belama lebuh ngereja pengawa laban ngeluso.
KO ORANG BIAK KEDIATO.
Nya ke manah.Ku rilek ja baka bos.Sengaja ja penti nya kenya laban ngai meda kitai senang.

11)Anang sesekali nyayat manok maia bini ngandung.
KO ORANG TUAI.
Lebuh bini nuan beranak bini nya ngasai rekong ia baka disayat alu ia ka bebadi,ti bini nya bebadi,anak lahir selamat tang enti anak mit nya bebadi bini nya tadi selamat.
KO ORANG BIAK KEDIATO
Amai nya kah?????Baru ia ku nemu utai baka to bisi penti.

Ba nuan kaban,logik kah penemu ORANG TUAI nya tadi maia jeman kediato?Ti ba aku meh bisi logik mimit utai to.Keni ko nuan kaban?Bisi penemu ba penti pemali kaban ti bisi uji bantai diak meh kaban.Sama berkongsi ba penemu baka to.