Penti Pemali Maia Bini Ngandung

Penti Pemali maia bini Ngandung.Penti Pemali Orang Kelia.

1)Anang enggau orang ngereja pengawa ngaga perau alu enggau nanggung(ngangkat) perau nuju agai sungai

Reti ia nya..
Bini kitai ulih bebadi lesi nyawa lebuh ia beranak ti kitai bakanya.Amai kala nyadi to kaban.

2)Anang munuh manok ba depan mua rumah kitai.

Reti ia nya..
Bini kitai ke beranak bulih penusah lebuh beranak baka ia bisi berdarah maioh maia beranak alu ia bulih penusah nyau koma.

3)Anang mantang paku lawang ba genap sukut rumah kitai ti bisi ngandung.

Reti ia nya..
Anak kitai tusah ka pansut semadi paku lawang nya dicabut baru anak ke lahir nya ulih ada ke dunya.

4)Anang netak kaki jelu.

Reti ia nya..
Takut anak kitai laun bejalai tauka tungkut(enda ulih bejalai alu menawa ba patung anak kitai nya tadi)..

5)Anang ngempat tauka ngunting kain maia bini ngandung.

Reti ia nya..
Takut ke anak menawa bulih binsang ba mulut.

6)Anang bermain anak patung sama ada lelaki tauka bini ti ngandung.(baru adat to ti ditemu orang tuai maia taun penatai nginang anak patung suba gik)..Ti kelia enda tau bermain engkeramba laban nya meri anak menawa.

Reti ia nya..
Awak anak kitai enda menawa baka patung.Awak enda baka engkeramba ti enda kebut kebut(bergerak).

7)Anang ngereja pengawa baka nebuk lubang tauka ngalit ke lubang.

Reti ia nya..
Anak ke ada bisi menawa baka pending alit nadai dipeda tauka idung ia sempek sepiak ti ngalit ke lubang.Enti nebuk lubang,anak nya tadi menawa bisi ba tumit kaki ia tauka lengan bisi ngeruang(bentuk baka lubang)..

8)Anang ngeruntun(narit utai enggau jampat) baka narit tali.

Reti ia nya..
Kitai ulih madam ke seput anak dikandung tauka bini ulih keguguran enti digaga knya.(pengawa to dah enda bisa agi,laban petara Atta Laa engai meda kitai enda ngereja laban berpenti utai baka to)..

9)Anang nunu jelu tauka nasak manok ngena ai panas.

Reti ia nya..
Takut ila anak kitai ke ada ke dunya nya menawa baka tubuh ia ditasak ai panas sereta baka retung ja tubuh ia.

10)Anang enda ngiga sera utai ka dipakai bini.

Reti ia nya..
Takut anak nyau menawa ada ke dunya ketegal anak mit ti dalam kandung nyau merajuk alu nusah ke kitai maia ia ada ke dunya.

Aaaa..kelebih nya kitak ngiga diri meh kaban.

Sayau selalu.